ياحُمَاَةَ الشِعر
==========
ياحماة الشعر والشعراء
يامن عليه أنتم أوصياء
الشعر لم ينزل من السماء
وقواعده ليست من أنبياء
فهو من وحى البشر
والقوالب ليست من حجر
ندور فيها بِقَدَر
وكأنها من القَدَر
امر علينا قد قُدِر
يُكتَب بِحروف الهجاء
من الألف إلى الياء
يَكتُبه البعض بالفصحى
فبشعره مَرحَىَ
والبعض بالعاميه
وهى دى القضيه
دى لهجه وقديمه
ومش لغه جديده
ملايين بتعشقها
وتحب تسمعها
فيها كتير شعراء
ومشهورين عظماء
فيه بيرم التونسى
أبنودى دا مصرى
ونجم من بلدى
شعرا كمان تانين
منهم صلاح جاهين
ياريت نِكون فاكرين
الشعر دا إحساس
والصدق يبقى أساس
وهو دا المقياس
يِدخُل قلوب الناس
وارجع أقول تانى
وانا شِعرى بالعامى
حروفه فى دمى
نبضه ف شريانى
وطول عمرى حاكتب بيه
وطنى اللى باحلم بيه
بكره اللى مِستَنيِه
=============
( محمـد عنانى )
ليست هناك تعليقات:
إرسال تعليق