عمرو تمساح ابوسفيان
فين الحمامه
*******
تبكيشى ع الحلم اللى ضاع
وتقول ده كان غش وخداع
يا شمس وانت مروحه
تنسيش تبصى ع الرحا
تقوليلها لف كمان ودورى
جيبى الهوا للبحر زورى
يا يمامة بين عشك مسافه
ما تغردى وبﻻش سخافه
يازهره فوق غصن الزتون
مافرقش لونك ف العيون
فين الحمامه عشان تجيب
الغصن من جنب الحبيب
طيرت من راسى الكﻻم
انا قولت طب فين السﻻم
شورت النجوم البدر نام
عواد رجع ومعاه شاويش
دول باعوا ارضى وفين مافيش
ساد الغﻻ كل الدروب
من غير سﻻح من غير حروب
انا مش راح ابكى وﻻ ها نوح
الليل ما طال كلى جروح
يا نهار ماتيجى خد بايدى
حزنى بيحرق فى وريدى
بتقسى قلبك ليه عليا
حبينى وانا هانسى اﻻسيه
حبينى اجيلك م السفر
حبينى انسى اللى حصل
وان كان دا تقل خﻻص وصل
*********
عمرو تمساح ابوسفيان
ليست هناك تعليقات:
إرسال تعليق