علمونا فى المدارس زمان
ان صاحب العلم ليه مكان
واهلينا كتير صرفت علينا
وفى المذاكره اتخلعت عنينا
ولما كبرنا....
لقينه
التعليم فى لا كانو ولا كان
..........................................................................
ياخساره العمر ضاع فى الشهاده...
تعب وجرى
ومصاريف وهرى
وآخرتها الشهاده مالهش لازمه ياساده...
...........................................................................
مايجعل مرار الابتدائيه
والمذاكرة فى الاعدادية
ودروس فى الثانويه
وسفر فى الكليه
ومذاكرة ومحضرات
وسفر ومواصلات
وابوك اللى بيصرف كل غالى عليك
وامك اللى دايما بتبقى قلقانه عليك
واهلك اللى كانو كل شهر بيشفوك
وعلى التعليم والشهادة بيدعموك
وبعد كل ده من خراب البيت
تاخد الشهاده تعلقها عالحيط
..........................................................................
ونام بقى فى البيت يامسكين
قال ايه مستنى التعيين
بس حلوه مستنى التعيين دى
وانت عارف ان مافيش تعيين
واهلك بيصرفو عليك وهما عارفين
ان صعب قوى التعيين
بس بالامل فى الله ماسكين
مع ان التعيين للناس الواصلين
بأقل الدرجات.... وفى احسن مكانات
تلاقيهم هما بس اللى شغالين
..........................................................................
وانت اللى ضهر ابوك عليك اتحنه
وعشان التعليم تعبت كام سنه
محدش هايلومك
ولا كمان هايعيبك
مش هاتاخد اكتر من نصيبك
وارجع اقولك كله مقدر من ربنا
كلمات# علي عتريس ابو ادم #
ليست هناك تعليقات:
إرسال تعليق