مجلة نداء الرؤح

الشاعر **عادل الشهابي **

الحلم

كلنا بنحلم ومش عارفين ....

حلمنا ده هيودينا على فين ....

فينا اللى بيحلم بالمال ...

ومنا اللى عاوز أطفال ...

ومننا اللى عاوز راحه البال ...

أحلام كتيره ومشروعه ....

وجوه قلوبنا موضوعه ...

بس مش كل حلم بيكون حقيقه ...

فيه اللى بيتحقق فى سنه ...

وفيه اللى بيتم فى دقيقه ...

وفيه اللى بيكون بعيد عن الحقيقه ...

مين يا حلم يحققك لينا ...

ويرسم الفرحه فى عنينا ..

يا ناس أحلام ومحتاجه التحقيق ...

بحلم يكون ليا صديق ...

يكون معايا فى وقت الضيق ...

يلى حلمك هو المال ...

المهم يكون الطريق حلال ...

وأنت يالى عاوز الأطفال ...

خليها على الله وبلاش أفكار ...

وبلاش تروح لكداب أو دجال ...

أحلامنا أحيانا مش ورديه ..

ولا مال وفيلا وعربيه ...

المهم الستر فى الدنيا ديه ...

آه يا حلم عمرنا ....

تعالى وبلاش تضيع مننا ...

تعالى أنت اللى فاضل لنا ..

بقلــــــم:عــــادل الشــــــــهــــابى