الشاعر الرائع رفعت فايد
.................!!! بعض الأصدقاء... غُثاء !!!...............
------------------------------------------------------------
يللّى طلبت الصداقه ... ولك معانا سنين
لا قولت مرّه عاجبنى ... ولا مرّه قولت ( شين ) !!
معنى الصداقه تواصل... لو يكونوا اتنين
المسأله مش عدد.... بالأف والألفين
وإيش يفيد العدد .... لو كانوا متقاطعين
أعرف أسر فى العدد.. يسدّوا عين الشمس
لكنّهم للأسف .. أعداء ومتخاصمين
ودى احنا شوفنا العرب... أعداد كتير ملايين
وعملوا إيه بالعدد.... غثاء على شطّين
لو ليّه صاحب ومخلص... يغنينى عن كثيرين
أمرك غريب يا صديقنا...أمّال طالبنا ليه ؟!
حيّرتنى حضرتك .. معرفش أقول لك إيه !!
أنا مش بعاتب... أنا بس بقول لك ليه ؟
لمّا انت مش بتشاركنا ... قاعد معانا ليه ؟.
...................................... ( رفعت فايد ).
ليست هناك تعليقات:
إرسال تعليق