المتألقه ام الشعراء **ساميه سليمان**
ظلمك ليَّه
------------
ظلمك ليه فاق الحد
ظلم محدش ظلمه لحد
عيشتني أحلام ووعود
قدمتلي م الحب ورود
وعزفتلي أنغام علي عود
وبقالك ف القلب وجود
وبقيت عنك ماستغناش
حبيتك من قلبي بجد
لكن ظلمك فاق الحد
ظلم محدش ظلمه لحد
كل دا لجل تغير التانية
مش عايزة تديلك ثانية
أتاريك ف التمثيل أستاذ
ونجحت بتقدير ممتاز
بحبيبتك قلبك آهو فاز
والهرم اللي بنيته اتهد
ظلمك ليه فاق الحد
ظلم محدش ظلمه لحد
دست القلب اللي فتحتولك
وخدعته ليالي بتمثيلك
وسقيتني المر بأشكاله
وكنت النور بينور ليلك
وظلمتني والظلم حرام
وحرمتني أتهني وانام
ظلمك ليه فاق الحد
ظلم محدش ظلمه لحد
أم الشعراء
سامية سليمان
ليست هناك تعليقات:
إرسال تعليق