الشاعره الرائعه رشا عبداللطيف علي
""""قالو عني """"
قالوا عني كتير باني
قلبي خالي
لأ اناني
واتحججولي بميت طريقه
لجل ما يستغنوا عني
لأ وقالوا اني اسي
وقلبي ناسي ..يوم وجعهم
يوم ما روحت وسبتهم
وكنت قاصد جرحهم
بس لحظه ... اسمعوني
لسه فاكر بس يومها
ان هما اللي سابوني
ايوه هما اللي جرحوني
لسه فاكر يوم ما جاتلي
يومها قالت لأ سامحني
أصل قلبي مش بايدي
وقلبي شاغله حد تاني
هو عمري .. هو املي
هو ايامي وزماني
يومها قلت صدقيني ...انه اناني
وهي قالت ..بس اسكت
مش عايزه اسمع حاجه تاني
جايه بعد كل حاجه بتلوميني
روحي لومي نفسك انتي
لومي قلبك انه خسرني
ايه ياقلبي ..مالك اهدا
شيفاك بدق ومتلخبط
اوعاك تحن ....لقلب كان اسي عليك
بقلمي /رشا عبد اللطيف علي
ليست هناك تعليقات:
إرسال تعليق