هبدأ من جديد للشاعر **عادل الشهابي**
****** هبدأ من جديد ******
خلاص أنا هبدأ تانى من جديد ....
مهما يا ناس الهموم عليا تزيد ....
نويت أكون صامد جدا وعنيد ....
ونويت أبدل الحزن أنا بعيد .....
وفى حياتى أكون راضى وسعيد ...
والحزن عنه راح أبعد بعيد ....
واخد حياتى خلاص بجديه ...
وطريقى رسمته وشايفه بعنيه ...
ولحلمى ماشى له برجليه ....
عازم أنا على تحقيقه ...
حددته وعرفت أنا طريقه ...
والتوفيق بقيت أنا صديقه ....
أنا اللى الناس كتير ظلمتنى ...
ومن كاسات المر ساقتنى ....
بس أنا لسه يا ناس عايش ....
وظلمكم بالنسبالى كمان واغش ...
والخير ربنا عنى مش حايش ....
يا رب طمعى فى كرمك أنت كبير ...
عارف انى تعبت يا رب كتير ....
رميت حمولى يا رب عليك ....
يالى كل شىء أكيد بأديك ....
نهرب منك يا رب أليك ...
يا رب على حالى قوينى ...
وحلى يا رب سنينى ....
ووفقنى يا كريم فى دينى ...
أجعلنى يا رب سعيد ....
وقوينى أبدأ من جديد ...
مهما الهم عليا يزيد ....
بقلــــــم: عــــادل الشـــــــهــابى
ليست هناك تعليقات:
إرسال تعليق