اسمهان للشاعر **السيد امين**
اسمهان
________________________
هيا مامتك يا حبيبتى
بالظبط زيها زى بابا
خيروكى قلتى مامتى
ورحتى كده من غير كتابه
ماما مسكينه يا سومه
وشكلى من ضمن الغلابه
خليكى وياها يا بنتى
هترحميها من حاجات كتير
وهتحميها من شر الديابه
......................................
اقسم يا سومه البعد عنك
فى قلبى سايب ميت علامه
كنت ماليه البيت علينا
وطايره فيه زى الحمامه
كل اللى يعنينى يا بنتى
تراعى بنت الناس طليقتى
ومنى لكم مليون سلامه
مليون سلامه مع السلامه
مع السلامه
_________________________
بقلم / السيد امين
ليست هناك تعليقات:
إرسال تعليق