الشاعرالمبدع عادل سيف يوسف (شاعرالوفاء والاخلاص)
بقالها يومين تتصل
بتقول يارب ايه حصل
أخر مره شفتها فيها
كنا سمنه علي عسل
مهيش عارفه ومهيش حسه
سيبتها رحت للدكتور
قلي خلاص فاضل همسه
ويجي عليك يا صحبي الدور
يعني يا دكتور مفيش امل
قال يا بني فربك الامل
حلفته ساعتها ميقولشي
لمخلوق ايه اللي حصل
انا كنت بحلم وياكي
اعيش حياتي واتهني
عماله حبيبتي بتتصلي
والرنة جاية ورا الرنه
منيش زعلان علي عمري
انا زعلان علي زعلك
انا زعلان عشان أني
مقدرتش احقق يوم أملك
وانا مش عارف اعمل ايه
ارد عليها أقولها ايه
لقيتها فچأة جايالي
وبتقولي ها أعيش وياك
وعشنا شهر والتاني
وفجاة رحنا للدكتور
وشاف تحاليلي ولقيته
باس راسي وقال مبروك
خلاص راح من عليك الدور
شكرا ليك يا رب الكون
شكرا ليكي ست الكل
شكرا شكرا يا دكتور
ليست هناك تعليقات:
إرسال تعليق