غربه بقلم القديره ام الشعراء ساميه سليمان
غربة
------
كنت باستناك
وعايشة ياحبيبي
بالأمل تجمعنا تاني
الليالي
واما جيت زودت ليه
ناري ولهيبي
إنت مين ؟
لأ مش انت
حبيبي الغالي
خليتني أشعر إن انا ريشة
وطايرة ف الهوا
ضايعة تايهة
ايوه تايهة
وانت مش حاسس بحالي
وساعات باحس
إني باغرق
أيوة باغرق
وافضل اندهلك والالي
وانت تتفرج عليّه
زي دمية
زي لقطة ف تمثيلية
ومايهمكش مالي
ليه مليت قلبي بنورك
واما جت ساعة حضورك
ليه قلبت النور بنار
ليه صبح حلمي دمار
ليه بقه قلبك حجر
بعد ماكان يوم عمار
هيه الغربة تعمل كده
وتغيرك بالشكل ده
ملعونة يادي الغربة
ايوه .. وألف أيوه
ليه تخلي قلبي سالي
ياريت ماكان
كل اللي كان
وكان لقي قلبي الأمان
جوه قلب يقدره
يعلي بيه لأعلي مكان
والغريب يفضل غريب
والقي اللي يصون آمالي
أم الشعراء
سامية سليمان
ليست هناك تعليقات:
إرسال تعليق