وين الوفا للشاعرالرائع رامز عيد
وين الوفا؟
لأي عهد بنضل نحكي بالوفا
لأي بعد بتهل اخلاق الصفا؟
صار الحكي ينباع سلعة مزينة
ونحكي بإسم الرب وحياتو كفا
الله لخلق هالناس جابن عالدني
صورة بروحو باس طهر معطرنة
حاك الفكر بالراس قبل الولدنة
قلك ياابني روح لا تعاشر جفا
زرعتوا الفتن بعقول اسمو تندهوا
شعب ووطن معقول دينو تشوهوا
خلق المحن عطول حقد بتشتهوا
حاجه كره و حساد فينا نعصفا
الاديان خلقت بس لرب الأزل
ونحنا شعب زهقان مابنعرف خجل
صار البصل معطار بالقشرة نوغل
نسينا الزهر و الورد كلمة نوصفا
كتر العدد و الكون فينا يشتفي
يللي نوعد جنات بوعدو مكتفي
الجنة بحسن اخلاق وانساني ووفي
لا بالتطرف باح ولا سفك الطفى
الرياس بدها الناس تضعف بالفكر
نوّاس حامل كاس لسراب الشعر
بينسوا حياة الحق و الصدق بمكر
فيقوا ياقوم الأرض بيكفينا غِفٰا
رامز عيد
٢٤/٠٢/٢٠١٦
ليست هناك تعليقات:
إرسال تعليق