مجلة نداء الرؤح

الشاعرالمبدع عادل الشهابي

****** نادم على يوم ******

نادم على يوم فى طاعه ربى ماستغلتوش ..

نادم على الخير اللى تركته ومعملتوش ...

وعلى كل فرض سيبته ولا صلتوش ...

وعلى شبابى اللى ماحفظتهوش ...

نادم على طريق صح أنا ماسلكتهوش ...

على قرآن أهملته ولا قرأتهوش ...

نادم على كل شىء فى الطاعه ماعملتهوش ..

على دعاء لربنا مادعتهوش ...

يا رب راجعلك ومادد أديا ...

مكسور يا رب والدمه مالى عنيا ..

يا رب سامحنى وخد يا كريم بأديا ...

أديت ضهرى لكل الدنيا وانت اللى ليا ...

يا رب ساعدنى أنى أرضيك ...

ولآديا مد يا كريم أديك ...

يا رب بشوق الآحبه بنادى عليك ...

يا رب عبدك وجايلك وكله عيوب ...

تعب وشايل على كتفه كتير ذنوب ....

طمعان فى كرمك تساعده أنه يتوب ...

أنت وحدك أعلم بلى جوه القلوب ...

نادم على صاحب سوء أنا ماشيته ...

نادم على وقت ضيعته فى اللعب

ولذكرك يا رب ما خليته ..

نادم على كلمه قولتها أنا بدون قصد ..

كلمه نهشت بيها أنا العرض ...

كلمه تنزل سابع أرض ...

يا رب نادم وجيتلك تايب ...

أقبلنى يا كريم من ضمن الحبايب ...

نادم أيوه أنا نادم ......

بدموع :عـــــــــادل الشـــــــــهـــابى