ابكي على وطني للشاعر********عمر امبابي
أبكي على وطني
عاميه
أنا عايش في الضلمة عشانك
ولا شايف وردة ف بستانك
ودموعك غطت وحنانك
بيسابق م الخوف أحزانك
والفارس مرمي ف أكفانك
والجاني من لحمه وخانك
ماهو باشا بنيشانه زانك
مين جاني فينا مين صانك
مين باني مين هد حيطانك
مين خنجر مزروع ف لسانك
مين سفسط بالجهل ودانك
مين راضي بذُلِّك وهوانك
فين مينا ولدك وأمانك
هيرجَّع بالوحدة زمانك
ولا أبكي على حالي وشانك
عمر امبابي
ليست هناك تعليقات:
إرسال تعليق