المبدعه المتألقه ام الشعراء**ساميه سليمان**
ضياع
------
بين سراديب العتمة
بادوّر
ع اللي ضاع
المكان .. ولاّ انا
ولاّ الشراع
يارياح
وجاية من بعيد
رديني تاني لسكتي
تاهت ف عيني دمعتي
زادت ف قلبي غربتي
مابقتش مستحمل
ضياع
يا مركبي
موج الحقيقة بيندهك
ويا سكتي
ضاعت ف خوفي
خطوتي
ويا دمعتي
مش قادرة أيام الألم
تنهي الصراع
مابين ستار الليل
وأحلام البراءة
والأمل
والفجر لو يطلع علينا
ضيّه ماهوش قادر
ينوّر في عنينا
ولو شعاع
واللي بيفرض شوفه بس
شيء مخيف
لما توب الحق
بيتلبس
فوق الخداع
أم الشعراء
سامية سليمان
ليست هناك تعليقات:
إرسال تعليق