مجلة نداء الرؤح

الشاعر المبدع عادل الشهابي

****** قالوا مالك ******

قالوا مالك كده سهران ...

ومن عينك واضح أنك تعبان ...

وليه من مده ما شافوك الجيران ...

ومن كلامك باين أنك حيران ...

ومعانا وعقلك شارد كمان ...

قول فيه ايه مالك يا غلبان ...

قولتلهم سهران بفكر فى حبيبى ..

اللى حبه هو قسمتى ونصيبى ...

ويا شمس حبه عنى لا تغيبى ...

أيوه تعبان ونفسى فى يوم أرتاح ..

وفى حضن حبيبى أنسى طعم الجراح ..

ده هو الأمل وهو العطر الفواح ...

وهو الحافز اللى بيحسنى على النجاح ...

وعلشانه حياتى لازم تكون كلها كفاح ...

وأسمعوا بقا كلامى كمان ...

لما يكون معايا حبيبى ليهم حق ما يشفونى الجيران ..

حبيبى ليا هو الأحساس بالامان ..

هو أهلى وجيرانى وكل الخلان ...

وفعلا عندكم حق أنى حيران ..

لأنه هو دفايا وأنا بردان ...

وهو حلمى وأنا نعسان ...

وفى قلبى حبه يفوق البركان ..

أنا معاكم بس عقلى مش هنا ..

هقلى مع حبيبى عايش فى الهنا ..

هو الأمل هو الحنان هو المنى ..

هو اللى أضحى علشانه أنا ...

لأنه هو هديتى من ربنا ..

بقلـــــم: عـــــادل الشــــــهــابى