الشاعره الرائعه رشا عبداللطيف
"""""مع كل طلعه قمر"""""
مع كل طلعه قمر
بشوف صورته في خيالي
وبحكي له ليالي
علي اللي تاعب قلبي
وكمان شاغلي بالي
مع كل طلعه قمر
بنادي عليه وأحاكيه
علي حبه اللي ملا قلبي
علي روحه اللي سكناني
علي العشق اللي دوخني
وياما سهرتله ليالي
أيامي لقيتها سرقاني
وكل ما ليله بتعدي
أقول مسيره هيعدي
ويجي بلهفه يسمعني
وأحكيله وأشكيله
علي حبه اللي ضيعني
وسابني اغني مواويل
وكل مره بناديه
بلاقي القلب مشغول بيه
وألاقي العين بتدمع ليه
وأشوف الرمش سارح ...جوا خيوط الليل
وألاقي روحي هامت ...وبتغني مواويل
بنادي عليه في خيالي
وانادي مهما انادي
ما حد يسمعني
كأني بنادي في سراب
وأدور مهما أدور
حبيبي في الوجود دخان
وأنا مش لقيه له عنوان
ليست هناك تعليقات:
إرسال تعليق