الشاعر الرائع رامز عيد
حرامي
ناطر بشغوف الحية
عدّ الساعات
نهدات القلب لفيي
زبد الدقات
عيوني جوز حرامية
لسحرك ادمان
يا م عيون العسلية
وتم المرجان
خدودك وردة جورية
تقطر نديان
خمر خوابي سكرية
شهد العسلات
لا تحطي الحق عليي
ست الحلوين
قمرة روحك مضوية
عطر و ياسمين
مواج بحورك فضية
قطر بساتين
ونظر لحاظك سحرية
تغرّق موجات
عناقيدك مش منسية
حَب الحليان
حساسينك غلوا فيي
عشق الولهان
تناهيدك ملوا سوية
بصدر الولعان
سهران بكرم عطية
حاكي النجمات
سحر الزنبق متكية
ب قدّ المنشاف
بنفسج عطرك ماهية
بخد النفناف
عناب الشفة لقية
بتم المقطاف
ما بخاف تفيقي عليي
نشدّ الغمرات
رامز عيد
.٩/٠٢/٢٠١٦
ليست هناك تعليقات:
إرسال تعليق