مش قادر ابيعك للرائع********اشرف خوينس
مش قادر ابيعك
مش قادر انسى
انى كنت ف يوم ربيعك
انى كنت ف يوم رضيعك
كنت بحبى ووشى ليكى
بيناديكى
كنت حاسس انى ليكى
انى ابنك
انى لحمك
كنت شايف فرحتك
جوا ف عنيكى
كان منايه اكبر قصادك
تحتوينى واحتويكى
انهارده كبرت ياما
وحملى زاد
مابقتش قادر انى
اشيل حمل الولاد
ليه ياغالية بتسيبنى
مش هبيعك
حتى لو جيتى تبيعنى
اصلى لحمك
مهم كنتى هتشترينى
الفساد ف بلدنا غطا
ع النضيف
والشريف بقى صعب
يحصل ع الرغيف
عمرى تايه
بين وظيفتى وبين ولادى
بين عنادك بين عنادى
رغم تعبى رغم كدى
مبقتش قادر اغطى زادى
حسرتى زادت وفاضت
لما ابص ف عين ولادى
لما احس بانى عاجز
انى اوفر قوت عيالى
لما احس ان الحرامى
التقيه واقف قبالى
نهبو قوتى ونهبو مالى
والله خيبه
الفقير مليون ضريبه
والحرامى ان جبت سيرته
تبقى عيبه
بس برضه انتى امى
انتى روحى انتى الحبيبة
مش هقول لك غير
بحبك
مهما تتقسى مش
هتنسى انى ابنك
شدى حبه
وهبى هبه
ف ال نهبك
ف ال باعك
ف ال بيخرب ديارك
ف ال راح يسرق متاعك
اما انا هفضل ربيعك
ال عمرى ف يوم ماخونك
ولا ابيعك
كلمات : اشرف خوينس
تحياتى لشخصكم الكريم
ردحذف