القديره ام الشعراء ساميه سليمان
يادفة الأيام
----------
يادفة الأيام
ليه تميِّلي بيَّه
حرام عليكي حرام
امشي بحنيَّة
طول عمري ماشية تمام
من غير مراكبية
ليه تعطشي الأحلام
وف إيدك الميه
وتشمتي اللوام
يكفيني مافيَّه
يادفة الأيام
أرجوكي تستهدي
تعبت م الأوهام
وغلبت من وجدي
يادفة ليه تمِيلي
امشي علي قدي
ليه تطْفي قناديلي
خليني انول وعدي
ماترقّي حبة امال
وامشي بحنية
تعالي نرمي سلام
عللي ماهوش داري
شبك قلوبنا قوام
وفات هواه ساري
ايديه ف ميه زلال
وانا انكوي بناري
خليكي حلوة امال
وامشي بحنية
ياتعلميني العوم
وشوية بشوية
سامية سليمان
أم الشعراء
ليست هناك تعليقات:
إرسال تعليق