تعالي نرجع بالايام **الشاعر فضل عبد الرحمن**
الشاعر فضل عبدالرحمن
2 ساعة
==== تعالى نرجع بالايام =====
تعالى نرجع بالأيام
ونحب بعض حب زمان
اصل زمان الحب ده كان
ليه طعم كده ولا في الأحلام
---------------------------------
نفسى ادوق الحب وناره
وادوقك من شهد غرامه
وأسمعك من احلى كلامه
ونحس انا وانت بطعم الأيام
----------------------------------
ولما يوم بميعاد توعدني
أسهر طول الليل مع حالي
أفضل على طول كده مستني
أفكر في عيون اللي شاغلني
----------------------------------
ولما تيجيني ونتقابل
وتبص بعنيك في عيوني
من غير ما تتكلم أقول حاضر
أصل الغرام مش بالساهل
-----------------------------------
شوفت حبيبي حب زمان
أوعى تقولى الوقت اتغير
والزمان مش زي الأول
لأ ده الحب عمرة ما يتبدل
-----------------------------------
شعر غنائي -------- عامية
كلمات / الشاعر فضل عبدالرحمن
ليست هناك تعليقات:
إرسال تعليق