داخل البرواز للرائع** السيد امين**
( داخل البرواز )
...............
على الون دولار رسومات
فى الضهر مزيكا
وكلام مترجم بين قوسين
(ولايات متحده امريكا)
شد انتباهى ع الدولار برواز
فيه السؤال والرد
فيه ع الشمال دايره. فيها هرمنا الكبير
وتحت منه الارض
وع اليمين دايره تانيه فيها ولاياتهم نجوم .
ونسرهم بالعرض
بين الدايرتين مستطيل
يشبه جزيره العرب
عليه حروف ون دولار
مفروضه ع الجزيره فرض
على ضهر الدولار.كرمونا .
كرم ما بعده كرم
رمز الحياه والعلوم
اعلى مكان فى الهرم
راس الهرم عين جميله
بصه فى كل اتجاه
لو بصيت بعمق عليها
تقول دى عين الحياه
وراها شعاع واضح خاطف الابصار
ع الدولار من قرن واكتر بدأو الاستعمار
شعارات حوالى الهرم اشبه بفرض الحصار
ع الارض فى سفح الهرم اثار خراب ودمار
على ضهر الدولار الغاز
بمساعده الفرعون كل المحرم جاز
علمائنا قتلوها وعلومنا حرقوها
وفلوسنا سرقوها مع الاثار والغاز
رسم احتلال من قرون بروفسير او استاذ
وحكم علينا نبقى اسرى داخل البرواز
والله العظيم احنا اسرى داخل البرواز
____________________________
بقلم / السيد امين
ليست هناك تعليقات:
إرسال تعليق