مجلة نداء الرؤح

الكتابه للشاعر **عادل الشهابي**

****** الكتـــــــابـــة ******

بحب أكتب لأن الكتابه فى دمى .....

هى اللى ليا بعد ربنا وأبويا وأمى ....

هى اللى معاها بحكى وأقول عن همى ...

بتكلم معها عن كل أسرارى ...

بعرف أفكارها وبقول لها عن أفكارى ...

معاها بكون على راحتى ومش ممكن عليها ادارى ..

الكلمه ليها كتير معانى ...

أقولها لنفسى وبيها اكلم حد تانى ....

بحكى بيها كتير مواضيع ...

أوصف حاله راجل أو شاب حتى الطفل الرضيع...

بيها بسجل قيم قبل ما تنقرض وتضيع ...

بخاطب بيهال الشاب المؤدب حتى التانى الوضيع ...

باخد كلمتى احيانا سلاحى ....

برتبها وأنا نايم وأكتبها وأنا صاحى ....

دايما كلمتى ملزمانى ...

وبيها بواجه زمانى ...

هى اللى مخليانى صامد فى مكانى ...

بكتب وأطلع اللى جوايا ....

ودايما مطوعانى وماشيه على هوايا ...

وعمرها فى يوم ما عندت معايا ...

بيها بخاطب كل العقول ...

ومعاها بكتب ومفيش كنترول ...

ولكن كتابتى بتكون فى المعقول ...

بكتب أوضاع أنا عايش فيها ....

وأوضاع تانيه غيرى كمان ماشيها ...

الكلمه لغة تواصل وحوار .....

أوقات بتحافظ على علاقه من الانهيار ..

وتقرب وتبادل كتير افكار ....

وعلشان كده هى بتجرى فى دمى ...

وبعشقها بعد ربنا وأبويا وامى ...

بقلــــــم: عـــــــادل الشـــــــــهـــــابى