اعدام الطفوله للشاعر الرائع ********محمد رضوان
شعر / محمد رضوان
إعدام طفولة
اسمه منصور فط ونط
وعدي السور .......
مجرم خطير
عمل بلاوي بشكل كبير
إرهاب حرق وتدمير
جرابم كتير كتير
القاضي صدر أوامر
هاته الواد نسمع اقوله
اسمك وسنك وعنوانك
اتكلم وانت واقف مكانك
انت عارف يمينك من شمالك
منصور بيبكي بحرقه
وأبو ماسكله خرقه
يمسح دموعه
القاضي مش باصصله
ولا عارف سنه
فاكر بكاه ندم
اتاري الواد بل الكفوله
وجعان من يومين
مجبش لسه سنه اولي
القاضي ايه نزلك الميدان
اللي معاك ملتوف
والا قنابل دخان
قتلت وسحلت كمان
منصور يبكي وفكره حيران
عايز الرضعه يا ناس جعان
القاضي ليك نفس تأكل
انت إرهابي من زمان
شيوعي والا إخوان ...؟
يا قاضي خلي عندك دم
4 سنين شيلته التهم
أعمي البصر مش شايف
الديب من الغنم ....
المهم القاضي حكم
علي الإرهابي بالإعدام
بالذمة ده اسمه كلام
همام يا قاضي همام
حققت العداله تمام
ليست هناك تعليقات:
إرسال تعليق