راجع بقلم المبدعه ام الشعراء********ساميه سليمان
راجع
-----
راجع للحب اللي كان
بعد غدرك والزمان
وازاي أديلك أمان
وانسي قلبك اللي خان
أنا مقبلش الخضوع
للي تاه منه المكان
ليه تدوَّر ع الفروع
والأصل عندك والجذور
ليه تنوَّر بالشموع
واللي هواك بدر البدور
إنسي ياحبيبي إنسي
زي مانسيتك أنا
بدل الحنان كنت بتقسي
وسقيتني الويل والضنا
جرب القسوة ودوق
طعم الأسي ويا الهوان
دنا يادوب قرَّبت اروق
جاي ترجَّع اللي كان
أنا قلبي طاب م الجراح
وانتهي الليل بالصباح
والألم راح والنواح
وخلاص فات الأوان
سامية سليمان
أم الشعراء
ليست هناك تعليقات:
إرسال تعليق