ضيعوك بقلم الشاعرالرائع مأمون محمد الزوكاني
نثر: ضيعوك
ضيعوك ؛ضيعوك
وبالوعد ؛ عشموك ...!
ضيعوك وإنت ثوره
وذبلولك بالثروه
ولبسوك الثرثره
بألف ليله وسهره
بالمهلهل ..وعنتره
وشمو...عطرك وهجروك ..!؟
وين يلي ..كانوا بالساحه ثوار
وين يلي ..صفقوا ليل ونهار
وين المباني ...والعمار
كلوا...نار ...وطار ..!؟
عمرولك إقصور وأماره
وجيوش ....جراره
وبكل حي وحاره
ألفولك ..وزاره
وطفوا...سراجك ياثوره وهجروك ..!
على بالك ..سؤال ..وبعرف سؤالك
مين ..بدو ..يسمعك ياثوره ..سؤالك
وبين الشفايف ذاب ....
ودمعاتك من احوالي ..واحوالك
وبالوعد...عشموك ..!؟
تعالي ..تعالي...ياثوره
أدورلك ...على مناره
مناره ..فيها ارجال من كل حاره
خطوا على ترابك ...دم
ولبسوك إسواره
وراحوا ...لأعلى مناره
بسما الرحمن ...صاروا أماره ..؟
تعالي ...تعالي...ياثوره
أعلمك ...اللون ..والاشاره
دمعات الندم ؛ماتنفعك
خبيها ...يرحم أبوك ...
وان كان بالوعد عشموك
وبالثرثره ..؛ رجموك
إنت ياثوره ..بتعرفي ..مين يلي خانوك ..!؟
نثريات شعريه /مأمون محمد الزوكاني /10/3/2016
**************************************
ليست هناك تعليقات:
إرسال تعليق