عن الحياه بقلم الشاعرالرائع رفعت فايد
.........***** عن الحياه *****..........
-------------------------------------------
قالوا الحياه مدرسه ... انا قولت كليّه
ردّ صديقى وقال لى .. دى أكاديميّه
كل العلوم فيها عملى .. مفيش حاجه نظرى
منهجها كله تجارب ... والمعمل الشارع
والطلبه من كل نوع ... فيه بتتصارع
وكل واحد معاه .. فى الدنيا أدواته
فيه اللى ماسك قلم .. وللّى فى إيده سلاح
وواحد لسانه الجدل .. وواحد معاه مفتاح
يفتح بيبان للمحبّه ... والخير لكل الناس
والتانى مفتاحه شر ...وشيطان خنّاس
فيه اللى حامل شهاده ... لكن حمار أسفار
وفيه اللى أمّى بيبصم ... لكن ذكى الأفكار
دنيا مليها التجارب .. فيه اللى فاز بيها
وفيها خسروا عشان ...ما اتعلّموش فيها .
................................. ( رفعت فايد )**
ليست هناك تعليقات:
إرسال تعليق