حاوي بقلم الشاعرالرائع فوزي السيد
حاوي...
======
حاوي ..
وغاوي ..والغناوي
ف طلتي ألحان
لمسة إيديّه تنطلق
تعزف... كمان
أنده علي ورق الشجر
وأنط نطه
وأمسك التعبان
وأقدر اطّلع
كتكوتين
من حضرتك
وقول تلاته كمان
لاف يوم أعوز
اصرف فلوس
ولاكنت يوم غلبان
عايش علي
خفة إيدين
بعت الهوا
سلطان
اليوم ف عمري
لحظتين
وغدا يساوي الآن
نصاب قوي
أو فهلوي
حركاتي غصن البان
أدخل هنا
وأطلع هناك
وألخبط الفهمان
لا تقول غبا
ولا دحلبه
أنا شغلتي فنان
طب بص شوف
سحر الحروف
عنوان بغير عنوان
طاير علي جناح الهوا
بلا مستوي
اعلامي
خليت الغلط مانيكان
======================== فوزي السيد
ليست هناك تعليقات:
إرسال تعليق