الشاعررفعت فايد
الآن ·
.................***** راضى .!!! *****..................
------------------------------------------------------
لا يهمّنى الدولارات ... ولا بورصه ولا سندات
ولا بنك فيه الفلوس ... جاريه ومدّخرات
عايش بفضل الكريم ... والعيشه زى الفل
راضى وحامد وشاكر .. ربى رازق الكل
مادام معافى فى بدنى .. اّمن فى وسط الناس
والرزق مضمون ليومى .. أرفع إيدى تنباس
سعيد مع قهوتى ... وأصدقاء حلوين
زيّى فى حب بلدهم ... وعنّها راضيين
والدنيا إيه غير كده ...العقل فين يا ناس
دا الأمن وحده كفايه .. هوّه ف حياتنا أساس
ومصرنا موطنه ... بفضل رب الناس .
............................... ** ( رفعت فايد )**
ليست هناك تعليقات:
إرسال تعليق