سافر بقلم القديره ام الشعراء ساميه سليمان
سافر
------
سافر وفاتني للقلق
وزهور حياتها بتبتدأ
واشواق كبيرة بتتخنق
وعمر منّا بيتسرق
وقال ح اجيب أموال كتير
ح نعيش هَنا ونعيش ف خير
ونحقق الحلم الكبير
وف كل شيئ راح نتفق
ييجي جواب ويروح جواب
مابين حنين ومابين عتاب
مليون سؤال ولافيش جواب
ولحد امتي ح نفترق
وولاد عيونهم محرومين
لحنان أبوهم عطشانين
ودموع وفضلم محبوسين
وشجون يوماتي بتتخلق
ورجع لنا مليان هموم
خللي العذاب بينّا يدوم
لا طفينا نار ولا فرح يوم
وحلمنا ف الليل غرق
ولما عاد ..بعد المعاد
أصبح غريب بين الولاد
وقلوبنا ضاع منها الوداد
أزواج .....ولكن ع الورق
أم الشعراء
سامية سليمان
ليست هناك تعليقات:
إرسال تعليق