في حبها هايمين بقلم الشاعرالرائع رفعت فايد
.............. ***** فى حبّها هايمين *****...............
------------------------------------------------------
عددنا زاد ملايين ... بقينا فوق تسعين
وكل دى الملايين.... فى حبّها هايمين
مسلم مسيحى فى بلدى... كلّه مصريين
عايشين على الحب بيننّا ... من سنين وسنين
لحد ما جانا واحد .. صهيونى ولعين
رمى فى أرض الوطن .. بذرة خلاف شياطين
قسم الوطن حتّتين ... إخوان .. وناس تانيين
وساعده واحد جهول ... قال علينا كافرين
عمل كتاب للجهاله ... وقال طريقى مبين
وصدّقوه الهباله .. وقالوا قطب أمين
وهوّه يا للأسف ..عميل صديق لكوهين
رفعوا شعار التديّن ... اتعاطفت المساكين
مهو ف بلدنا البشر ..يقدّسوا فى الدين
لمّا يلاقوا دقون بتدعى وتصلّى
يمشوا وراهم بطيبه .. ويقولوا أهل يمين
ميعرفوش بالطيابه ... ورا الدقون سكّين
وشرّ ودعاء لفرقه ... وهمّا لينا كارهين
فوقنا .. لكن بعد إيه ؟.. بعد سنين تمانين ؟!
وان شاء رب الكنانه ... حنقضوا عالملاعين
وشرّهم انكشف ... شايفينه رأى العين
وهانت يا أرض الأمان .. حنحبسوا الشياطين .
....................................... ( رفعت فايد )**
ليست هناك تعليقات:
إرسال تعليق