خطيبي صعيدي بقلم الشاعرالمبدع علي عوض
............... خطيبى صعيدى .......
خرجت غزالة لابسة ملاية
على شط النيل
رقصت معاها ايامها الجاية
وخلخالها بيقول مواويل
والحلوة كعبها متحنى
وينور زى القناديل
دقاتها ع الارض كفاية
وبيرقص عليها الخيل
شافها صعيدى قاعد ع الشط
قال ياجماله سبحان الخلاق
وقف مدهوش وفاتح بقه
وكان هيموت من الاشواق
لاغى الحلوة بكلمة ...بصت فى الارض
تحمر خدودها من الاخلاق
قال انا طالب منك قرب
وهبعت اجيب بسرعة الخال
وانا عمرى ما كنت بتاع لعب
لكن لعبت بيا الاشواق
راح وراها يعرف بيتها
وقفت وقالت مين انت ؟؟
قال صعيدى
انا محمد ولد هريدى
انا من قبلى انا فلاح
باحضن ارضى واحمى عرضى
اسقيها بعرقى وفاسى ف ايدى
واجدادى لسه هنا نايمين
صنعوا تاريخ وفلاح
وحارسهم زمن اصله صديق
بيحافظ على اثاراتنا
ولايقدر يهدم ولا بيطيق
قالت يعنى خطيبى صعيدى
ويقولوا عليكم اغضاب
وقت العاركة يانار ايدى
قال بس بصون اهل واحباب
بس تكونى ليا ف ايدى
هفرش لك ارضى زهور
وازرعها بشوقى وتنهيدى
ما انا اصلى صعيدى
انا محمد ولد هريدى
خاطرة ...على عوض
ليست هناك تعليقات:
إرسال تعليق