ياعم بيرم بقلم المبدعه ام الشعراء ساميه سليمان
بمناسبة تاريخ مولد موليير الشرق شاعر العامية بيرم التونسي الذي ولد بالأسكندرية في حي الأنفوشي بالأسكندرية في 23 مارس سنة 1893 - كتبت له هذه القصيدة:
ياعم بيرم ياتونسي
-----------------------
ياعم بيرم ياتونسي
والله حبيتك
رغم اني لا أعرفك
ولا مرَّ لاقيتك
لكن عجبني كلامك
لما انا قريتك
وكل فنك دخل قلبي
وحسيتك
كأني عايشة كفاحك
واللي عانيته
ماهو احنا بنقاسي لسه
اللي قاسيته
م الفوضي والظلم
والسرقة والإهمال
والكل بيعاني وبيقاسي
في كل مجال
حتي الأديب سكِّته
دايما عليها اقفال
واللي بيسلكها
حتما يكون جوَّال
يعرف يفك العقد
ويحلها الحلاَّل
ياما قلت يابيرم
ومين يسمع ومين يقرا
ومين يفكر ويصلح
في شئون بكره
والكل عمال بيجري
في توهة وف سكرة
علشان مايلحق يدبر
لقمته المُرة
وفين نلاقي مثالك
كلمته حرَّة
تصحِّي عين النيام
بالحكمة والقدرة.
أم الشعراء
سامية سليمان
ليست هناك تعليقات:
إرسال تعليق