باعتب عليك يا قلبي بقلم القديره ام الشعراء ساميه سليمان
باعتب عليك ياقلبي
-----------------------
باعتب عليك ياقلبي
ليه تترمي في النار
السكة غير سكتك
دا طريق نهايته دمار
ليه تشتري البايعين
وتحن للقاسيين
داحنا بقالنا سنين
عايشين عذاب ومرار
إبعد وتوب عنهم
ياما قاسيت منهم
ليه ترضي ليه بظلمهم
دول طبعهم غدار
شوفلك طريق تاني
الحب فيه باني
مايكونش يوم جاني
مايكونش يوم صبَّار
أم الشعراء
سامية سليمان محمد
ليست هناك تعليقات:
إرسال تعليق