غزال امشيري بقلم الشاعرالرائع رفعت فايد
............ ***** غزال أمشيرى *****.............
-----------------------------------------------------
غزال سمين إنّما ... دمّه خفيف ينحبّ
فى عيونه سحر عجيب ... لو بصّ لك تتعب
كلامه كلّه رومانسى ... يحرّك الوجدان
تقراه تخاصم الرقاد ... تفضل ساهر هيمان
تمشى ما بين الحروف ... تشم أحلى عبير
مداد أنامل جميله .. بارفان فرنسى خطير
عمرى ما شوفت إيدين ... بتزيّن الألماظ
إلاّ إيدين الغزال ده ... ويا عينى عالألحاظ
صاحب مزاج وذكى .. وراقى فى التفكير
أنا مش حقول داغزال ... أنا حقول دا أمير
جماله مصرى أصيل... زى النخيل والنيل
والثغر بيقول لثغره ... مشتاق إليك يا جميل
خدنى الوصال فى الخيال ... بوحت بأحلى كلام
كان اللقاء فيه حراره ...دفا وهيام وغرام .
........................................... ( رفعت فايد ).
ليست هناك تعليقات:
إرسال تعليق